ВИДЕО: Јокиќ ја прегази Оклахома, Денвер му скандираше „МВП, МВП“

Кошаркарите на Денвер Нагетс ја забележија 42. победа оваа сезона и на домашен терен водени од маестралниот Никола Јокиќ со 121-112 славеа над Оклахома Тандерс

Српскиот центар флертуваше со „трипл-дабл“, затоа што за малку не дојде до ова достигнување, поради еден скок помалку. За 35 минути на паркетот, Јокиќ успеа да постигне 36 поени (11/25 за два, 4/7 за три, 10/13 слободни фрлања), а зад своето име имаше и 10 асистенции и девет скока.

Добрата партија на Јокиќ доби овации и од публиката во Денвер, која на српскиот кошаркар пред крајот на натпреварот му скандираше „МВП, МВП“. За Денвер ова беше директна победа над конкурентот за врвот во конференцијата и тимот има скор 42-18.

Победи пред својата публика забележаа и Њујорк Никс и Торонто Рапторс. Њујорк беше подобар од Орландо Меџик (108-103) и покрај блесокот на Никола Вучевиќ кај гостите (26п., 11ск.), додека Торонто воден од Сиакам и Ленард го совлада Бостон (118-95).