Апокалиптични сцени во Австралија: Од стравичните пожари, небото добило крваво црвена боја

Пилоти на австралиското воено воздухопловство објавија видео на кое се гледа колку им е тешко да летаат низ густиот чад и жестоките огнени стихии кои ја опустошија Австралија.

Видеото кое беше објавено на официјалната Фејсбук страница на австралиското воено воздухопловство е снимено од воен авион кој лета над погодените области над Малакота, Викторија и Нов Јужен велс.

Како што пренесуваат австралиските медиуми, видеото е најголем доказ за тоа колку им е тешко на воздухопловните единици да оперираат во едни такви услови, а инаку во близина воопшто авионите не можат да слетуваат и полетуваат.

„Тие се многу динамични услови. И покрај тоа што нашите екипи се добро тренирани и професионални, густиот чад придонесува за тоа пилотите да не можат да ја завршат мисијата од првиот обид“, соопштија од австралиското воено воздухопловство.