Големо невреме во Хрватска: Однесен автомобил, летаат дрвја, покриви, фасади (фото+видео)
Поради големото невреме, во Хрватска беа затворени некои патишта, дрвја паѓаа врз куќи, а ветерот носеше покриви.
Во некои делови од земјата, црвениот метеоролошки аларм е на сила како резултат на ризикот од силни ветришта.
На брегот, налетите на ветер беа до 165 километри на час. На автопатот кај Макарска во правец на Сплит, бура буквално бутнала автомобил до бетонски блок, што се наоѓа покрај патот, објави денес Далмација.
Невремето затвори и некои од патиштата во Хрватска, вклучително и дел од автопатот А1 и автопатот А6, пренесува Индекс.хр.
Дрвја се срушија врз куќа во Вараждин, а ветерот однел дел од покривот од училиште во Загреб. Од ветерот паѓале фасади од згради и дрвја врз автомобили.
На луѓето не им се советува да работат надвор, особено не на висини.
„Преземете мерки за заштита. Постои опасност од лична безбедност поради стебла од дрвја, скршени гранки и летечки остатоци. Се очекува големо оштетување на објекти, прекини во сообраќајот и прекинување на електричната енергија “, предупредува Државниот завод за хидрометеорологија.
