И помлади пациенти може да имаат тешка состојба од Ковид-19
Тешка состојба на заболен од Ковид-19 значи кога пациентот е целосно зависен од респираторна поддршка, односно е ставен на респираторна машина и има отежнато дишење, односно ткивата не можат да се снабдуваат со кислород.
Министерот за здравство Венко Филипче на денешната прес-конференција, на новинарско прашање појасни дека тешката состојба кај пациентите кои се лечат од Ковид-19 е поради врзувањето на кислородот за хемоглобинот во крвта.
-Тие пациенти веднаш се приклучуваат на респираторна поддршка. Не само кај нас туку и во други земји во светот има пациенти кои имаат тешка клиничка слика, а немаат претходни болести, истакна Филипче.
Министерот рече дека и кај нас има такви случаи и нагласи дека тоа се случува и кај помлади пациенти.
