Преживеал драма пред да го победи Ковид-19: Мозочни удари, воспаление на белите дробови и застој на срцето, а еве како излезе од болницата…

31-годишниот Омар Тејлор после серијата на опасни компликации звучи неверојатно како успеал да го преживее сето тоа.

Откако се заразил со коронавирусот, Тејлор во болницата бил ставен во индуцирана кома и 30 дена бил на респираторна машина. Во меѓувреме добил два мозочни удари додека бил во кома, воспаление на белите дробови и сепса, а имал и привремен застој на срцето. На крајот, тоја го победил коронавирусот и бил отпуштен од болница на роденденот на својот син.

„Најпрвин ни рекоа дека нема да се спаси. Потоа ни рекоа дека повеќе нема да може да се движи, но тој успеа и во тоа. Неговото опоравување е чудесно“, изајви неговата сопруга Кејтлин.

Омар сега се опоравува во домашни услови и единствените проблеми кои ги има се неможноста да ја користи десната рака и отежнатиот говор. Сепак, докторите веруваат дека и тоа ќе се поправи.

„Ова беше многу тежок период за нас, посебно со две деца. Го немаше осум седмици, на децата тоа им се чинеше како вечност“, изјави Кејтлин.

Кога се враќаше од болницата во Колчестер, на Омар му приредија голема прослава. Во болницата го испратија со аплауз, а пред неговата семјена куќа се собраа соседите, членовите на семејството и неговите пријатели за да му го честитаат неверојатното опоравување.