ПОЗНАТИОТ ЕПИДЕМИОЛОГ АНА ГЛИГИЌ: КОРОНАТА ЌЕ ПОМИНЕ ЗА 20 ДЕНА, САМО АКО ЈА НАПРАВИМЕ ОВАА РАБОТА
Скокот на бројот на заразени со коронавирус во Србија на почетокот на летото ги изненади и граѓаните и лекарите, кои изјавуваат дека оваа инфекција покажала дека е потрајна од што се прогнозираше.
Како што објаснува д-р Ана Глигиќ, епидемиолог, жена која беше шеф на лабораторијата за време на епидемијата на сипаници во Белград во 1972 година, коронавирусот покажал својства кои се скоро крајно различни од другите вируси. Сепак, како што уверува, ако се придржуваме кон мерките, првиот бран на епидемијата би можел да заврши за 20 дена.
Д-р Глигиќ наведува дека доброто време, односно високите температури што се прогнозираат во наредните денови, сигурно ќе го успорат преносот на вирусот и дека, и покрај брзиот раст на заразените, епидемиолошката состојба во Србија е под контрола.
– Новиот коронавирус дефинитивно покажа дека е различен од другите. Ние ги уништуваме вирусите во лабораторијата на 65 степени, а овој преживува дури и на таа топлина. Сепак, ние дефинитивно не можеме да зборуваме за вториот бран на коронавирус затоа што ниту првиот не е завршен, односно не сме биле во ситуација да немаме заразени повеќе од дваесет дена. Вториот врв на епидемијата е во тек, и ако се придржуваме кон мерките, тој ќе заврши многу наскоро – истакнува д-р Глигиќ.
Таа посочува дека граѓаните треба да имаат во предвид дека покрај коронавирусот, во моментот се во оптек и други вирусни инфекции, како резултат на нетипично студените денови што ги имавме во претходниот период.
– Откако беше укината вонредната состојба, премногу се распославме на натпревари и на други собири. Овде потекнуваат повеќето од заразените, но се надевам дека, откако ќе заврши тековниот период на инкубација, епидемијата ќе исчезне. Сигурна сум дека сме близу крајот! Секоја пандемија секогаш завршува порано или подоцна – вели д-р Глигиќ.
