Затворени угостителски објекти во Гази Баба и Аеродром поради непочитување на мерките

Во текот на ноќта полициски службеници од СВР Скопје и инспектори од Државниот пазарен инспекторат извршувале контроли во врска со почитување на мерките за заштита од коронавирус.

При контролите констатирано е дека два угостителски објекти, еден во Гази Баба и еден во Аеродром, не се придржувале кон предвиденото работно време согласно Законот за заштита на населението од заразни болести и Одлуката на Владата за мерки за спречување на ширење ковид 19 и во нив се затекнати повеќе лица, соопштија од МВР.

Од страна на Државниот пазарен инспекторат угостителските објекти се испразнети и затворени и ќе бидат поднесени соодветни поднесоци за непочитување на одлуките од Владата на Република Северна Македонија во врска со Ковид-19.

Министерството за внатрешни работи, во соработка со Државниот пазарен инспекторат, продолжува со засилените контроли во врска со почитување на мерките за заштита од коронавирус, додаваат оттаму.