Експерт за вонземјани тврди дека открил роботи од друга планета

Самопрогласен експерт за лов на вонземјани тврди дека открил вонземјанин-робот висок 16 метри, кој се криел во Невада, во контроверзната Област 51.

Скот Веринг го забележал „роботот“ додека гледал сателитски снимки од базата на воздухопловните сили на Соединетите држави во Невада преку „Google Air“. Забележа интересна форма која се наоѓа помеѓу зградите во објектот.

Хуманоидните карактеристики на црната фигура го натерале самопрогласениот ловец на вонземјани да верува дека пронашол докази за робот направен од вонземјани.

Невообичаениот облик може да се забележи со внесување на точни координати (37 ° 13’26.26 ″ N 115 ° 49’2.37 ”W) на платформата Google Earth.

Најдов темна фигура од 16 метри во Областа 51 и изгледа дека има друга десно од неа, но помала, напиша Веринг на својот блог „UFO Sites Daily“. Кога ги погледнав фотографиите од таа локација, забележав дека фигурата навистина се движи, а потоа ги менува позите на секоја фотографија. Всушност се движи, додаде тој.

Иако неговите теории се фасцинантни, поедноставно објаснување е дека „робот“ е едноставно зграда или обична сенка.

Веринг, исто така, имаше многу други „откритија“ користејќи Google Earth и други извори, вклучувајќи ги и сликите на НАСА направени на Марс. И покрај неговите фасцинантни наративи, експертите велат дека овие „видувања“ на вонземјани обично може да се објаснат со измама на умот познат како пареидолија. Тоа е тенденција на луѓето да гледаат препознатливи форми или модели таму каде што не постојат.

Ако објаснувањето на Веринг за „роботот“ е малку веројатно, сликите што тој ги претстави од Областа 51 докажуваат зошто овој воен комплекс е извор на многу теории на заговор. На фотографиите се прикажани низа интересни згради, машини и бејзбол игралиште во мистериозниот воен објект.