Снежната бура која беснее во Европа направила многу проблеми во сообраќајот, во снабдувањето со струја, а голем број на стебла биле откорнати.

Силните снежни врнежи од раните утрински часови ја зафатиле цела Австрија и притоа направиле големи проблеми во сообраќајот.

Еден автобусот во Виена изгубил контрола и удрил во столб, а притоа повредени биле девет лица, од кои едно потешко. Во други делови на Австрија бројни камиони излизгале и ги блокирале патиштата, поради што сообраќајот е отежнат.

Имало и неколку сообраќајни несреќи ширум земјата, која е целосно е под снег. Во Виена се очекуваат рекордно снежни врнежи.

Дел од Словенија без струја

Добар дел од Словенија е завеан, а во селото Ратече, на крајниот северозапад, се формирала снежна покривка од 80 центиметри.

Поради снежните врнежи снабдувањето со струја во одредени делови на Австрија и Швајцарија е прекинато.

Во Горењската област од вчера до денеска паднале меѓу 15 и 40 центиметри снег, а во подрачјето Бохиња околу 30 центиметри снег.