Дури и со минимална потрошувачка на додадени шеќери, мастите почнуваат да се акумулираат во црниот дроб и мускулите.

Скриен или додаден шеќер, кој се внесува во текот на денот преку храна и пијалоци, е причина за појавата на 45 штетни здравствени проблеми, открија тимови на научници од Кина и Соединетите Американски Држави.

Според една студија објавена во British Medical Journal, експертите препорачуваат да се намали потрошувачката на додаден шеќер на околу 6 лажички дневно, додека внесот на засладени пијалоци треба да се ограничи на еден дневно.

Скриениот шеќер влијае на развојот на астма, дијабетес, срцеви заболувања…

Општо познато е дека прекумерниот внес на шеќер може да има негативни ефекти врз здравјето, што ја натерало Светската здравствена организација да предложи намалување на потрошувачката на додаден шеќер на помалку од 10 проценти од вкупниот дневен внес на енергија. Научниците откриваат многу штетна врска помеѓу консумирањето шеќер и 45 здравствени состојби како што се астма, дијабетес, дебелина, срцеви заболувања, депресија, некои видови на рак и смрт, меѓу другите.

Ендокрините и метаболичките проблеми се предизвикани од скриениот шеќер во храната

Дневниот внес на „скриен“ шеќер, кој луѓето не се ни свесни дека го внесуваат во организмот, а кој сериозно го нарушува здравјето, е причина истражувачите од Кина и САД да ги споредат сите претходни студии и 73 мета-анализи на штетноста на шеќерот. Истражувањето открило докази за штетна врска помеѓу шеќерот во исхраната и 18 ендокрини или метаболички исходи, вклучувајќи дијабетес, гихт и дебелина, врска со 10 кардиоваскуларни проблеми, како што се висок крвен притисок, срцев удар и мозочен удар, 7 исходи од рак (рак на дојка, простата и панкреас) и 10 други здравствени состојби како што се астма, расипување на забите, депресија и смрт.

Зголемениот внес на фруктоза носи ризик од панкреатитис

Доказите укажуваат и на фактот дека консумацијата на пијалоци засладени со шеќер е поврзана со зголемена телесна тежина, дури и во случај на минимална потрошувачка, како и со акумулација на маснотии во црниот дроб и мускулите. Анализите покажуваат дека секој пијалок засладен со шеќер е поврзан со 4 проценти поголем ризик од гихт, а дневната доза на зашеќерени пијалоци над 250 мл. е поврзана со 17 проценти поголем ризик од коронарна срцева болест и 4 проценти поголем ризик од смрт. . Исто така, доказите покажуваат дека секое зголемување на внесот на фруктоза од 25 гр. на ден е поврзано со 22 отсто зголемен ризик од рак на панкреасот.