Balkan Prime Tours во туристичка офанзива: 10 Балтички тур оператори и 150 шпански туристи и блогери во посета на Македонија

Претставници од 10-те најголеми Балтички Тур оператори овие денови се во посета на нашата земја. Нивен домаќин е македонскиот дојдовен тур оператор Balkan Prime Tours кој за нив организира посети на нашите туристички локации. Посебен интерес туристичките работници од Балтичките земји покажаа за она што го нуди Охридско струшкиот регион, но и за локалната храна, и културните карактеристики на нашата земја.

Истовремено како резултат на соработката на Balkan Prime Tours и шпанскиот тур-оператор Sama Travel, во Македонија пристигнаа организирано првите 120 шпански туристи, вклучувајќи и шпански блогери, кои ќе ја истражуваат нашата земја во следните неколку дена. Тие пристигнаа во земјава со прв чартер лет на шпанската национална авиокомпанија Ибериа, од Мадрид, со цел авионско поврзување меѓу #Скопје и #Мадрид.

“За странците Македонија не е само нова дестинација, туку и нов начин на гледање на работите, нова животна филозофија која ги буди сите сетила, и создава спомени вредни за споделување. Коментарите од тур операторите од Балтичките земји се феноменални, едноставно тие се во неверување на она што го гледаат тука”, вели, Влатко Сулев Влатко Сулев оперативен директор на Balkan Prime Tours.

Спред него овие активнсти се резултат на активностите на Balkan Prime Tours во изминатите неколку години, на контакти со нашите колеги во Шпанија и на Балтикот, со што се надеваме дека ќе ја направиме Македонија атрактивна дестинација за странските туристи, и дека тие во иднина ќе доаѓаат во што поголем број, изјави

Balkan Prime Tours е  дојдовен туроператор, компанија со постојан развој, доверлив партнер на многу странски туристички агенции.  Туроператот кој работи во сите земји на балканот, и кој за своите партнери и нивните клиенти креира автентички туристички понуди кои ги задоволуваат дури и најпребирливите. Благодарение на Balkan Prime Tours над 150.000 туристи изминативе години ја имаат посетено Македонија, што ги прави вистински промотери и амбасадори на нашата земја и балканот.