Aктивниот живот и градинарството ја подобруваат циркулацијата, ги намалува шеќерот и маснотиите, го елиминира стресот
Активниот живот носи многу бенефити за здравјето на луѓето. Физичката активност придонесува за намалување на стресот, шеќерот и маснотиите во крвта, за подобра циркулација, кондиција и слично. Активноста придонесува за подолг и поквалитетен живот.
„Активноста секако дека е многу корисна. Порано луѓето живеел долго, затоа што сите имале и бавча и лозје, и покрај другата работа, оделе до бавча, лозје, да ја исчистат тревата, да работат, животот бил таков на овие простори. Ако собирале праски, тоа значи 1.000 пати да се наведнат и станат. Но, како поминуваше времето, луѓето се пред телевизори, седат со мобилни телефони во рацете, не се движат. Се случува луѓе кои не пушат и немаат дијабетес, да имаат проблеми со циркулацијата. Но, ако сте активни, ако денес одите 10 километри, иако делува многу, секако е добро. Не е лошо да пешачите еден час во текот на денот. Шеќерот се намалува, мускулите се активни, се подобрува циркулацијата, маснотиите паѓаат, сите ризик фактори за болести се намалуваат, стресот се намалува“, вели докторката Лидија Чолакова Дервишова.
Психологот Јаворка Постоловска објаснува дека луѓето кои работат, имаат активен живот со обврски, се чувствуваат исполнето. Таа додава дека секој човек треба лично да одлучи која активност најмногу му одговара и со што сака да се занимава.
„Работата поттикува позитивни мисли, оптимизам, очекувања, го намалува стресот. Физички и психички, работата го одржува организмот. Луѓето можат да чуваат миленици, добиток, да обработуваат градина, секоја според своите способности“, рече Постоловска.
Граѓаните велат дека работата, посветеноста на некое хоби, пешачењето, активниот живот ги одржува витални.
„Јас имам повеќе од 70 години и сум активна. Ако порано сум работела на село, сега ги вршам сите домашни обврски, пешачам“, вели Лепа Смилева, пензионерка.
И другите анкетирани го делат истиот став.
„Нормално дека активноста придонесува да се чувствуваме подобро и исполнето. На сите им препорачува да покажат интерес кон нешто“, додава Сузана Петковска, граѓанка.
Хортикултурна терапија- вековна практика која го подобрува здравјето
Хортикултурната терапија може формално да се дефинира како практика на употреба на растенија и градинарство за подобрување на менталното и физичкото здравје. Тоа е вкоренето во поткрепениот концепт дека поминувањето време во природа, може да им помогне на луѓето да живеат подолго и поздраво. Ангажирањето во здрава активност како градинарството поттикнува на внимателност – друга вековна практика со корени многу одамна.
Свеста или чинот на живеење во сегашниот момент може да се пофали со безброј придобивки за менталното и физичкото здравје кои биле потврдени повеќе пати, вели Горѓи Самарџиев од Градинарскиот центар ФОЈА
Во трета доба, луѓето велат дека е добро да се биде активен.
„Работата опоравува. Живеам во куќа, работам во дворот, имам цвеќиња, голем љубител сум на цвеќето и се чувствувам многу добро“, рече Љубица Трпкова, пензионерка.
Mногу студии покажале дека вежбањето го подобрува расположението и ги намалува чувствата на депресија, анксиозност и стрес. Активноста помага во регулирање на тежината, ја зголемува енергијата, го намалува ризикот за појава на многу болести, се подобрува меморијата. Се верува дека 10.000 на милион смртни случаи годишно би можеле да се спречат доколку возрасните на возраст од 40 години и постари ја зголемат својата физичка активност.
Izvor faktor.mk
