Алое Вера е магично растение кое обезбедува безброј здравствени придобивки

Алое вера е растение со многу здравствени придобивки. Се користи во алтернативната медицина за третман на многу состојби. Алое гелот е главната состојка на растението, кое се користи и за козметички и медицински цели.

Хранливите состојки содржани во Алое Вера

Алое вера содржи активни состојки кои ги обезбедуваат здравствените придобивки на растението. Листовите од алое вера содржат најмалку 160 есенцијални компоненти. Некои експерти велат дека има најмалку 300 до 400 витални компоненти. На пример, алое вера содржи витамини А, Ц, Е и Б витамини, кои се антиоксиданси кои делуваат на тој начин што ги спречуваат слободните радикали за да го спречат оксидативниот стрес. Алое вера содржи и моносахариди, полисахариди, хормони, ензими и секундарни растителни соединенија.

Придобивките од користењето на Алое Вера

Кога станува збор за придобивките од користењето алое вера, речиси сите прво помислуваат на  придобивките при заздравувањето на раните и ублажувањето на изгорениците од сонце. Но, ова растение има потенцијални здравствени придобивки кои се многу подалеку од тоа. Некои од придобивките и различните употреби на алое вера може да се наведат на следниов начин:

Придобивки за дигестивниот систем

Алое вера се користи како природен лек за дигестивни проблеми. Може да помогне во смирување и ублажување на симптомите на состојби како рефлукс на киселина, синдром на нервозно дебело црево (IBS) и воспалителна болест на цревата (IBD). Сокот од алое вера може да помогне за подобрување на варењето и промовирање на здрави црева. Се користи и како природен лаксатив. Тој е ефикасен во спречување на запек преку зголемување на интестиналниот мотилитет.

Придобивки за кожата

За алое верата е  познато дека има многу позитивни ефекти врз кожата. Истражувањата покажуваат дека кога се применува локално на кожата, гелот од алое вера го зголемува производството на колаген во кожата. Го забавува процесот на стареење, исто така обезбедува влажност на кожата, ги затегнува порите, спречува создавање на митесери, помага против појава на  брчки, ги чисти акните, ја прочистува мрсната кожа и ја обновува мртвата кожа и ви дава подмалувачки ефект. Познато е и дека алое верата е ефикасна во лекувањето на некои кожни болести како што се осип на кожата и псоријаза.

Придобивки од заздравувањето на раните

Многу години се користи за изгореници и рани. Тоа е ефикасен лек за скратување на времето на заздравување на изгорениците, а исто така е и ефикасен лек против каснувања од инсекти. Како алое вера го забрзува зараснувањето на раните? Алое вера содржи глукоманан, полисахарид и гиберелин, хормон за раст. Тие работат со интеракција со рецепторите на факторот на раст лоцирани на фибробластите. Како резултат на тоа, се активира пролиферацијата на фибробластите и се зголемува синтезата на колаген. Затоа, процесот го прави побрзо заздравувањето на раните.

Придобивки во негата за косата

Алое верата многу често се користи и за нега на косата. Со своите антимикробни и антиинфламаторни својства Алое верата ја намалува иритацијата на скалпот, ги храни фоликулите на косата, го елиминира проблемот со сувоста, лупењето и првутот во скалпот, го намалува воспалението во скалпот, ја зајакнува и навлажнува косата, го спречува кршењето и на косата и помага за здрав раст на косата.

Придобивки за оралното здравје

Алое вера е едно од лековитите растенија кои се истакнуваат со своите антибактериски и антиоксидантни својства. Може да спречи појава на забни плаки и да помогне во олеснување на проблемите како што се оток и крварење во непцата. Меѓу придобивките од растението алое вера, може да се покаже дека го поддржува заздравувањето на афти и чиреви во усната шуплина. Примената на алое вера на различни начини може да ја намали болката поврзана со рани и да го забрза заздравувањето.

Помага во поддршка на имунолошкиот систем

Алое вера може да помогне во зајакнувањето на имунолошкиот систем. Содржината на антиоксиданси и хранливи материи може да придонесе за зајакнување на имунолошкиот систем и зголемување на отпорноста на организмот на болести.

Придобивки за здравјето на зглобовите и мускулите

Алое верата има карактеристика за ублажување на болките во зглобовите, мускулите и коските при состојби како артритис и остеоартритис.

Кардиоваскуларни здравствени придобивки

Користењето Алое вера го подобрува кардиоваскуларното здравје бидејќи бета ситостеролот помага да се оптимизира холестеролот. Исто така го зајакнува срцето,  спречува затнувањето на крвните садови со забрзување на протокот на крв, го регулира крвниот притисок и спречува појава на болести на крвните садови. 

Придобивки во губење на тежината и управување со тежината

Алое верата има и директни и индиректни ефекти кои помагаат во губење на тежината. Одличен извор на полисахариди и моќни антиоксиданси, алое верата го прави имунолошкиот систем посилен и помага да се држат оксидативните радикали подалеку од телото. Ова го спречува телото да содржи токсини, односно има природен ефект на детоксикација. За здраво слабеење, телото мора да се исчисти. Алое верата е позната како природен лаксатив. Сокот од алое вера обезбедува многу подобро варење. А тоа ќе ви помогне во губење на тежина.

Придобивки во третманот на дијабетес

Конзумирањето сок од алое вера може да ја подобри чувствителноста на инсулин и да го намали нивото на шеќер во крвта кај луѓето со дијабетес тип 2. Некои рани студии исто така сугерираат дека алое верата може да биде корисна за луѓето со преддијабетес или дијабетес тип 2 поради неговите ефекти врз гликемискиот индекс.

 Придобивки за ослободување од стрес и анксиозност

Лесно е да се чувствувате под стрес во овој зафатен свет, но важно е да се опуштите секогаш кога и како можете. Докажано е дека ова растение го намалува стресот и анксиозноста, па можете полесно да се опуштите и да избегнете здравствени компликации поврзани со стресот.

Придобивки за здравјето на црниот дроб

Сокот од алое вера го зголемува внесот на вода во телото и е богат со фитонутриенти. Нашиот црн дроб може да функционира на вистинско ниво кога количината на вода во нашето тело е доволна. Покрај тоа, сокот од алое вера го поддржува регулирањето на количината на вода во телото и му помага на црниот дроб да го детоксицира телото.

Превенција и третман на раце

Алое вера ја навлажнува и негува вашата кожа на најдобар можен начин. Лесно се апсорбира и создава меко чувство. Таа е многу соодветена за первенција и третман на раце особено за нега на чувствителна и сува кожа.

Производи за користење  на Алое Вера

Алое Верата може да ја најдете во повеќе видови на производи и да ја конзумирате како сируп, гел или директно од самите листови.

Сируп

Сирупот од алое вера е особено добар за поддршка на имунитетот, здравјето и функцијата на дигестивниот систем и одржување на метаболизмот и целокупното здравје. Стручниот тим од нутриционисти, доктори, фармацевти и технолози на Натура Терпапи  ја создаде формулата за АЛОЕ ВЕРА гелот со Аронија кој е направен од најквалитетно сертифицирано органско алое од видот Barbadensis Miller, содржи дури 99,5% концентриран гел од алое, збогатен е со сертифицирана органска аронија и витамин C и има научно докажано антиоксидативно дејство. Можете да го најдете во продажните салони на Натура Терапи или да го нарачате онлајн преку Naturatherapy.mk.

Гел

Геловите од Алое вера за надворешна употреба се наменети за интензивна заштита, нега и ревитализација на кожата. Многу битен фактор е правилниот избор на гел од ваков тип. Алое вера гелот за надворешна употреба на Натура Терапи содржи 99% сертифицирано органско алое вера од видот Barbadensis Miller со додаток на хлорофил, има хипоалергена формула и може да се употребува кај сите видови кожа и кај сите возрасти.

Директно од лисјата

Земете лист од растението и одделете го на тенки парчиња од корен до врв. Откако ќе го земете гелот во листот во количината што ќе ја употребите, нанесете го на местото што сакате да го нанесете на вашата кожа. Може да добиете ефективни резултати кога го користите за модринки, црвенило и флеки на вашата кожа. Исто така можете да подготвите и сок од алое вера во концентрирана форма во домашни услови и да го чувате во фрижидер неколку дена. Листот одделете го на тенки парчиња и избелндирајте го во блендер а потоа додадете вода и добро промешајте.