Ќе го ,,растргнат,, ли повторно во Грција

 Разговараа за граничните градови да ги искористат ИПА фондовите на ЕУ, да се формира винска мапа за винските градови во Македонија и Грција, каналот Дунав-Вардар да завршува кај Солун, а не во Македонија, да се формира работна група за соработка меѓу општините и градовите од двете држави, како на економски така и на културен план, е дел од она што е договорено за време на посетата на солунскиот градоначалник во Скопје, Јанис Бутарис. Тој го покани премиерот Заев на прослава на Нова година во Солун.

– Кај нас успешно завршија локалните избори и сигурен сум дека дел до општините ќе соработуваат со локалните власти во соседните земји, особено со Грција. Подготвен сум да дадам поддршка. Секој придонес е важен кога е во прашање соработката, локалната власт е од исклучително значење за потребите на граѓаните во двете држави – изјави Заев по средбата.

Солунскиот градоначалник рече дека на оваа куртоазна средба го информирал Заев за тоа што го договарале со Димитров уште на  средбата во Солун.

– Како градоначалник не би навлегувал во политички прашања, но соработката е многу важна во понатамошните односи. Силно веруваме во соработката меѓу луѓето и тоа ќе овозможи да се рушат сите граници кои постоеле досега. Кога има проблеми тие се решаваат од дното па нагоре – рече Бутарис.

Премиерот Заев изрази сочувство за жртвите од поплавите во грчките градови.