Грција цврсто да застане на двете нозе-Нов заем од Еврозоната

loading...

По состанокот кој траеше неколку часови, Еврoгрупата и Грција постигнаа договор.   Грција, според договореното,  треба да добие позајмица од 15 милијарди евра, од кои 3, 3 милијарди ќе бидат искористени за враќање на дел од  долгот на Европската централна банка и ММФ. Земјата исто така ќе добие продолжување на рокот за враќање на долговите на Еврозоната и дополнително продолжување на рокот од 10 години за плаќање на каматите.

Токму овој втор дел од договорот беше точката каде запнаа преговорите.

Комесарот за економски и финансиски прашања на ЕУ,  Пјер Московичи н прес конференција изјави:

” Вечерва Еврогрупата постигна догворо со трајни и издржливи мерки, кои, во голема мера,  ќе го олеснат товарот на долгот на Грција, со што земјата ќе може да застане цврсто на двете нозе”.

И престедателот на Европската Комисија , Жан Клод Јункер , на твитер напишa:

“Секогаш ќе се борам Грција да биде во срцето на Европа. Го поздравувам грчкиот народ кој ги надмина тешкотиите и  е посветен на европскиот пат. Нивниот напор нема да биде залуден”.

Во изминативе 8 години Грција има добиено 275 милијарди евра финансиска поддршка од ЕУ.

Translate »