Шок бомби и солзавец на протестите против Македонија во Солун (Видео)

3000 демонстранти поладнево протестираа против договорот со Македонија, по што се префрлија пред американската амбасада и конзулатото на РМ. Потоа  поворката се упати кон седиштето на владеачката партија Сириза, на улицата Игнациа. Таму демонстрантите се задржаа половина час,  извикувајќи слогани против владата на Ципрас и  градоначалникот Бутарис.  Повремено фрлаа камења врз полициското обезбедување, но насилствата еруптираа пред седиштето на партијата Независни Грци, каде дел од  демонстрантите со качулки и маски на лицата се судрија со полицијата, која употреби солзавец и шок бомби.

Протестниот митинг беше одржан во организација на неколку грчки здруженија на грчката дијаспора,  под мотото „Македонија значи Грција”.