Дали сте родени за шефови?!
Некои едноставно се лидери, а некои не ги бидува за шефовска позиција. Еве ги хороскопските знаци кои се родени за шефови.
Овен
Претставниците на овој знак се родени лидери. Тие се решителни, со добра логика, а најдобри се кога на другите им помагаат да го дадат максимумот. Овен е еден од знаците кои ги имаат сите предиспозиции за шефови. Водени се од идејата за успех, а не од егото. Успешно ги оставаат настрана емоциите и донесуваат разумни и практични одлуки. Таквата комбинација ги прави исклучително моќни бидејќи успеваат во пракса да ги применат најневеројатните идеи. И конечно, тие можеби не се срциња, ама се ефикасни шефови кои носат резултати.
Девица
Девиците се супер шефови. Тие не се грижат само за фирмата и резултатите туку и за тоа дали вработените се задоволни и дали им е добро. Она што ги прави добри лидери е тоа што секогаш имаат некоја поголема цел или идеја. Нивен најголем проблем е тоа што премногу размислуваат, постојано стравувајќи дека нешто може да тргне наопаку. Поради тоа се претпазливи, пoнекогаш неодлучни и не се подготвени да ризикуваат. Сепак , во најголем број случаи, успеваат да се издигнат над ваквите ситуации, но прво детално ќе пресметаат дали добивката ќе биде поголема од загубата.
Стрелец
Стрелците се шефови кои прават чуда. Креативни се , а тој квалитет го бараат и од соработниците. Високо ја ценат индивидуалноста. Уверени се дека доколку секој го даде својот максимум, групата ќе даде оптимални резултати. Сакаат тим кој е подготвен да учи и да се надградува, но ја поддржуваат и независноста на секој работник. Притоа, воопшто не се заинтересирани за туѓите проблеми и животи , бидејќи се премногу зафатени со себеси и своите идеи.
