Која е Федерика Могерини?

Италијанката Федерика Могерини е модерна политичарка, која кулминацијата на  својата кариера во Италија ја достигнува  како пратеник во италијанскиот Парламент, а потоа, преку министерка за надворешни работи  стаса до прв човек на надворешната политика во Европска Унија. Чест гостин во Република Македонија во последно време и летечка Италијанка, која за неколку дена знае да ја прелета земјината топка и да се сретне со највлијателните политички фигури во светот.

Федерика Марија Могерини е  родена на 16 јуни 1973 година,  од ноември 2014 година е висок претставник на Европската унија за надворешни работи и безбедносна политика. Таа претходно беше министер за надворешни работи на Италија и меѓународната соработка од февруари 2014 до октомври 2014 година, во централно-левичарскиот кабинет на премиерот Матео Ренци. Беше член на Домот на пратеници (пратеник) од 2008 до 2014 година.

Могерини е член на Демократската партија, дел од Партијата на европските социјалисти.

Како поранешен италијански министер за надворешни работи и веќе шеф на надворешната европска политика, беше инволвирана во нуклеарната спогодба на Иран во 2015 година и придонесе да се запре  на неговиот пат за стекнување нуклеарно оружје.

Сега таа стана отворен критичар на обидите на претседателот Доналд Трамп да го укине договорот, неодамна одбивајќи да го потврди. Таа, исто така, се обидува да ја придвижи Европската унија во поинтензивна, глобална лидерска улога. Оваа година  ја направи својата прва официјална посета на Индија за да разговара за климатските промени и тероризмот, меѓу другото.

Могерини е посебно активна на Балканот и многу често ги посетува земјите од регионот за да ги реши напластените проблеми.

Ги спојува Вучиќ и Тачи, Заев и Ципрас.

 

Могерини како млада студентка се вклучила во политиката и станала член на италијанската комунистичка младинска федерација,  во 1988 година. Во 1996 година,  се приклучила на младинската левица по распадот на Комунистичката партија на Италија и нејзината трансформација во Социјалдемократска партија.  Потоа станала член на Националниот совет на Демократите на левицата (ДС), служејќи во  Национален Извршен Одбор и Политички Комитет на оваа партија.

(младата политичарка Могерини со Јасер Арафат)

Таа започнала да работи во делот за надворешни работи на ДС, каде што била задолжена за односи со меѓународни движења и партии, подоцна  станала координатор на тимот, по што ѝ беше доделена одговорност за надворешни работи и меѓународни односи во кабинетот на претседателката на ДС,ПЕРО ФАСИНО. Во оваа улога, таа ја надгледуваше политиката за Авганистан и Ирак, како и мировниот процес на Блискиот Исток.  Могерини беше задолжена за одржување на односите со Партијата на европските социјалисти, Социјалистичката интернационала и другите левичарски партии, вклучително и со Демократската партија на САД.

Во приватниот живот е семејна жена, мајка на две ќерки, Катерина и Марта, и сопруга на Матео Ребесани, кој бил  шеф на меѓународната канцеларија на тогашниот градоначалник на Рим и моќен брокер, Валтер Велтрони.

 

Федерика потекнува од угледно италијанско семејство. Нејзиниот татко , Флавио Могерини, е италијански дизајнер на продукција, уметнички директор и филмски режисер. Неговата кариера траеше речиси 50 години, од 1947 до 1994 година. www.ako.mk

Могерини сега е со светла коса, но порано била бринета. Таа има широка насмевка, со која ги плени нејзините соговорници.

 

Трансформацијата на Федерика Могерини низ фотографии:

 

 

 

 

 

Translate »