Наближува сезоната на настинки – оваа храна јадете ја превентивно
На само чекор сме од есента, а есента знае да донесе многу убави и забавни моменти, но и непријатности во форма на традиционалните грипови и настинки кои погодуваат голем дел од нашето население.
Оваа сезона одлучивме да делуваме превентивно и навремено за да се заштитиме од овие несакани појави, па затоа одлично време е да се потсетиме дека со намалувањето на температурите треба да ја засилиме нутритивноста на нашите оброци.
А на врвот на видовите на храна кои имаат високонутритивна вредност несомнено е леќата. Оваа кралица на намирниците е толку богат извор на сите хранливи материи кои му се потребни на нашиот организам дневно, што заслужено е наречена и супер-храна. Што ја прави толку корисна?
Здравствените експерти се едногласни дека леќата ги намалува ризиците од дијабетес, дебелина, срцеви болести, лош холестерол и многу други, одличен извор е на витамини, минерали, протеини, влакна, како и потребните за нашиот организам рибофлавин, ниацин, магнезиум, цинк, манган и селен. Покрај ова, експертите се согласни дека леќата е најдобрата замена за месо во однос на количеството на здрави протеини кои ги содржи, што ја прави погодна за луѓето што одбираат алтернативни начини на исхрана.
Погледнете ги 7-те најголеми придобивки од леќата:
- Го штити срцето и го намалува ризикот од срцев удар
- Ја подобрува дигестијата и помага во одржувањето на телесната тежина
- Го стабилизира крвниот притисок и го намалува ризикот од дијабетес
- Ја зголемува енергијата и помага во концентрација при работа и учење
- Помага во слабеење и го намалува нездравиот холестерол
- Богат извор е на антиоксиданси и го намалува штетното дејство на слободните радикали во организмот
- Ја храни мускулната маса
