Лука Дончиќ со рекорден број на поени, но и ќотек од судијата!

Лука Дончиќ беше незапирлив за кошаркарите на ЛА клиперс, постигнувајќи 32 поени за Далас против еден од најдобрите тимови во Западната конференција. Кога веќе клиперси не можеа да го неутрализираат младиот Словенец, тоа го стори судијата, кој му даде една „воспитна“ на Дончиќ.

Целата ситуација беше случајна, но Дончиќ го извлече подебелиот крај бидејќи се наоѓаше во непосредна близина на судијата додека овој покажуваше со рацете дека акцијата е прекината пред да биде упатен шутот.

Лука Дончиќ повторно блесна и постави нов рекорд на кариерата во НБА лигата постигнувајќи 32 поени, но тоа сепак не беше доволно за победа на Далас во дуелот со ЛА клиперс (125-121).

За Далас пак ова беше 15.пораз сезонава.За 19-годишниот Словенец ова е уште едно извонредно постигнување во неговата дебитантска сезона во најсилната кошаркарска лига.

На рекордниот број поени сезонава, Дончиќ додаде и пет асистенции, четири скока и една украдена топка. Во тимот на Далас забележителен настап имапе и Деандре Џордан со 11 поени и дури 22 скока.

Клиперси во триумфот ги предводеше Данило Галинари со 32 поени, а Лоу Вилијамс додаде 26.