Шенка Колозова кандидатка за советничка

Познатата македонска актерка, Шенка Колозова, со кој израснаа многу генерации гледајќи ја во „Македонските народни приказни“, се кандидира за советник во Град Скопје преку партијата „Левица“. Колозова е петта на советничката листа на оваа партија, пред неа се Здравко Савевски, Драгана Велковска како носител на листа, Александар Атевиќ и Андреј Јованчевски.

Од „Левица“ велат дека доколку го добие советничкото место Колозова активно ќе се вклучи во работата на градското собрание.

-Таа не само фигурира на советничката листа, туку ќе биде активен член на советот на Скопје и убедени сме дека достојно ќе ја врши таа функција – вели Савевски.

Како што појаснува тој, на нивните советнички листи доминираат обични луѓе, кои ги знаат реалните проблеми во нивните средини и кои можат да партиципираат во подобрувањето на нивната заедница.

Фокус.мк