Како до најдобри спортски перформанси преку здрава исхрана!

loading...

Активниот спортски живот бара посебна исхрана, независно дали станува збор за деца, младинци или професионалци. Желбата за напредок, да се победи во натпреварот, честопати е поврзана со стрес, но и потреба од дополнителна енергија која треба да ја внесеме во организмот. Внесот на енергија е “камен темелник на исхраната на спортистот” основа за долгорочен успех, во било кој спорт.

Телото дефинитивно има потреба од  вистинскиот тип на храна, онаа која дава енергија, содржи хранливи материи, како и потреба од течности за да се надоместат изгубените при физичкиот напор.

Правилната исхрана е исто така клучна компонента за подобрување на атлетскиот перформанс кај спортистите. За време на натпреварите,  најдобро е да се снабдиме со енергија која доаѓа од комплексни јаглехидрати, како што се целозрнестите жита, овошје и суво овошје .

Покрај изборот на храна, важно е и временскиот тајминг на исхрана. Секако тоа зависи од индивидуата, од возраста од типот на спорт и интензитетот. Особено интензивни и напорни знаат да бидат тениските натпревари, посебно за малите деца, а кои траат и до 1,5 час па и подолго. Токму едукацијата за детската спортска исхрана ќе има посебно место на претстојниот турнир за млади тенисери – Cherry Cup кој ќе се одржи овој викенд во Скопје. На него освен едукативни предавања и бесплатни совети од нутриционист ќе може да уживате во  вкусните закуски од Виталиа и да ги бодрите младите натпреварувачи. Повеќе за настанот на следниот линк  http://www.cherrycup.mk/

А, кога сме кај исхраната има и некои непишани правила. Во тој контекст нашата компанија за здрава храна, Виталиа дава неколку совети.  За највисоки енергетски нивоа, препорачано е да изберете  жита од Виталиа во комбинација со растителен напиток, и тоа 3-4 часа пред натпревар.

1-2 часа пред натпреварот најдобро е да се дополни енергијата со високо – енергетски бар како Raw Bar или некои од Виталиа житните барови.

Треба да се избегнуваат простите шеќери како бонбоните и засладените напитоци бидејќи можат да предизвикаат нагла промена во нивото на шеќер во крвта и нема да се обезбеди очекуваното кревање на енергијата.

Деца спортисти – на што треба особено да внимаваат!

Протеинот треба да се консумира во одредени количини, деца на возраст 6-10 години имаат потреба од 0.5-0.7g/kg телесна тежина. Консумација на продукти со ниско ниво на животински протеини, супер храна– како киноа, просо, хелда, мешунки и некои зеленчуци потполно ќе ги задоволат дневните протеински  потреби.

Мастите се доста важни за младите спортисти бидејќи помагаат при апсорпција на липосолубилните витамини и го снабдуваат телото со потребните масни киселини. Најдобар избор се семињата кои содржат омега 3 и омега 6 масни киселини – ленено семе, чиа, сусам, сончоглед, тиква.

Витамините и минералите се неопходни за ослободување на енергијата која ја внесуваме преку храната. Идеален избор е секогаш ужинка од свежо овошје или зеленчук или брза on-the go алтернатива како Smoothie to go Antioxidant berry.

Секако не смеат да се заборават течностите, бидејќи го хидрираат телото. При физичка активност, мускулите се загреваат па затоа е потребно големо количество на течности за да стигнат до мускулите и да се изнесе топлината на површината. Децата особено се сензитивни при дисбаланс на течности и затоа мора да се внимава секогаш да им се обезбедува шише вода пред, за време и по тренинг. Најдобра течност е секако водата.

Translate »