БРАНКО ЦРВЕНКОВСКИ прави конференција-„Проширувањето на ЕУ на крстопат“

loading...

Во организација на Кабинетот на поранешниот претседател на Република Северна Македонија Бранко Црвенковски и Подгоричкиот клуб, денеска во Скопје, ќе се одржи Регионална конференција „Проширувањето на ЕУ на крстопат“.

На конференцијата, покрај поранешниот претседател Црвенковски како домаќин, најавено е учество и поранешните претседатели на Албанија Алфред Мојсиу и Реџеп Мејдани, поранешниот претседател на
Црна Гора Филип Вујановиќ, поранешниот претседател на Косово Фатмир Сејдиу, поранешната премиерка на Хрватска Јадранка Косор и  поранешниот претседател на Хрватска Стипе Месиќ, поранешниот претседател на Словенија Данило Тирк, поранешниот премиер на Србија Мирко Цветковиќ, како и поранешниот претседавач на Советот на министри на Босна и Херцеговина Златко Лагумџија.

Поздравно обраќање на конференцијата ќе имаат претседателот на Република Северна Македонија, Стево Пендаровски, а како гости се поканети и амбасадори од земјите членки на ЕУ, како и амбасадори од земјите од каде доаѓаат членовите на Подгоричкиот клуб, претставници од бизнис заедницата и од невладиниот сектор.

На конференцијата ќе биде усвоена заедничка декларација за важноста од донесување на позитивни одлуки на претстојните состаноци на Советот, а која ќе биде упатена до највисоките претставници на Европската Унија.

Обезбедувањето на поддршка за пристапувањето на земјите од Западниот Балкан кон ЕУ е еден од темелите на политиките на Подгоричкиот клуб, кој е насочен кон дефинирање на заедничка „Визија за Западниот Балкан до 2030“ и „Нов наратив за Западниот Балкан“.

Членови на Подгоричкиот клуб, формиран на 1 февруари 2019 година, се поранешни претседатели и премиери од Албанија, Босна и Херцеговина, Косово, Северна Македонија, Словенија, Србија, Хрватска и Црна Гора.

Translate »