Тлото на Балканот не мирува – 15 нови земјотреси регистрирани од синоќа во регионот

Тлото на Балканот не мирува, податоци објавени на страницата на Евро-Медитеранскиот сеизмолошки центар (ЕМСЦ) покажуваат дека од синоќа во 19 часот до изутринава се регистрирани 15 земјотреси во регионот, од кои најголем број се во Јадранското море и во Албанија, а се трешеше тлото и во Грција и во Хрватска. Евидентирани се земјотреси и во Романија.

По серијата потреси во Албанија кои изминатите два дена можеа да ги почуствуваат жителите од јужните делови на Хрватска, синоќа околу 19.17 часот земјотрес е почувствуван во внатрешноста на земјата.

Земјотресот бил со јачина од 3 степени според Рихтеровата скала и синоќа можело да се почуствува во Карловац, но и во делови од Загреб.

Четири земјотреси за помалку од половина час биле регисирани во Албанија.Првиот од серијата е во 23.50 со јачина од 4,5 степени по рихтер и вториот само 2 минути подоцна со јачина од 4,4 степени.Следните два земјотреси се регистрирани на 2 минути по полноќ со јачина од 3,7 степени и вториот десетина минути подоцна со јачина од 3 степени, а кои беа почувствувани и во западниот дел на земјава.

Два земјотреси едноподруго се регистрирани во Албанија во 1.44 и 1.45 часот со јачина од 3.3 степени по Рихтер.