Видео: Шок на Фестивал на змејови: Огромен змеј подигна во воздух 3-годишно девојче.

3-годишно девојче за среќа помина без повреди откако високо во воздухот ја подигна голем змеј во текот на меѓународниот Фестивал на змејови во Тајпеј.

На видео снимката од инцидентот се гледа како 13 килограми тешката учесничка на фестивалот, откако се заплеткала во долгата лента на портокаловиот змеј, подигната е високо во воздухот околу 30-тина секунди.

Змејот набрзо потоа полека се спушти, а учесниците на фестивалот се погрижија девојчето безбедно да „слета“.

Од болницата потврдија дека преплашеното девојче се здобило само со гребнатинки на лицето.

Градоначалникот Лин Чих-Чиен се огласи на социјалните мрежи, се извини за инцидентот и додаде дека градската управа ќе го испита случајот за вакво нешто да не се повтори во иднина.