Избричи ги нозете или ќе те убиеме

Шведската манекенка Арвида Бистром (26)  поради рекламата за патиките “Адидас” постојано добива  закани со смрт и силување. Во рекламата  никој не се навредува, но она што им пречи се нејзините влакнести нозе.

“Откако ја снимив рекламата , добивам секојднево закани во инбокс.  Ме нарекуваат влакнест мајмун , грдотија која никогаш нема да си фати момче”, вели манекенката која крши табуи.

Таа порачува дека  стандардите на  женственоста зависат  од  тоа во која култура  живееме. ”  Секој може да биде женствен и така да се однесува. Мислам  дека тоа ги плаши луѓето”, вели Бистром.

Нејзините поддржувачи, пак, велат дека влакната се природна работа од која никој не би требало да се срами.