Франција: Зелените покриви задолжителни на сите деловни згради
Францускиот парламент неодамна донесе нов закон со кој се бара сите нови деловни згради да имаат делумно покриени покриви со зелени билки или соларни панели.
Новото барање ќе важи за сите нови градби во деловните зони. Првично, предлогот на француските еколошки активисти беше покривите целосно да бидат покриени со зеленило.
Новиот закон додава трошоци и за сопствениците на зградите и за проектантите, па владата одлучи малку да ги намали трошоците со тоа што ќе дозволи покривите да бидат делумно покриени наместо целосно.
Во САД, Агенцијата за заштита на животната средина наведе некои клучни придобивки од постоењето растенија на покривот.
ЕПА истакна дека е докажано дека зелените покриви ги намалуваат „топлинските острови“ со тоа што обезбедуваат сенка, ја отстрануваат топлината од воздухот, па дури и ја намалуваат температурата на површината на покривот.
– Температурите на зелениот покрив може да бидат 4-5 ° C пониски од оние на конвенционалните покриви и дури може да ја намалат температурата на околината низ градот. Дополнително, зелените покриви можат да ја намалат потрошувачката на енергија во зградите за 0,7% во споредба со конвенционалните покриви, намалувајќи ја максималната побарувачка на електрична енергија и доведувајќи до годишна заштеда од 0,23 долари по квадратен метар површина на покривот. Овие намалувања на температурата и придобивките од енергетската ефикасност се клучни придонеси за растечката популарност на зелените покриви во Соединетите држави, соопшти ЕПА.
ЕПА дури и подели различни видови зелени покриви, истакнувајќи дека за опсежните е потребно многу малку одржување по инсталацијата.
