Посна штрудла, без зејтин
Сотојки
- 1 кг брашно
- 1 квасец
- џем или фил кој го сакате
- 1 ванилин шеќер
- 1 лажичка сол
- прстофат прашок за печиво
- 1 лимон
- вода
- шеќер во прав
НАЧИН НА ПОДГОТОВКА:
- Во шолја за чај раматете квасец со млака вода и оставете го половина час да отстои. Во чинија ставете брашно, сол, прашок за печиво, ванилин шеќер, па изрендајте кора од лимон, исцедете го сокот од лимон и прелијте со разматен квасец. Додајте вода по потреба, замесете тесто да не биде меко, така што нема да се лепи за раце. Оставете го тестото околу 1 час да надојде. Поделете го тестото на 3 или 4 дела, развлечете го секој дел со сукало и филувајте го со џем.
- Свиткајте го тестото во штрудла и ставете во плех обложен со хартија за печење. Пред ставање во рерна штрудлите пропрскајте ги со млака вода и печете во загреана рерна 20-25 минути.
- Испечената штрудла пропрскајте ја со вода, прекријте со чиста крпа 10 минути да отстои, исечете на парчиња, редете на тацна и по желба посипете со шеќер во прав