Путин – Нема да владеам 100 години!

Владимир Путин е реизбран за претседател на Русија. На изборите тој освои 76,67 од гласовите, покажуваат податоците на изборната комисија од обработени 99,9 отсто ливчиња.

Со тој резултат, Путин си го подобри рекордот од 2012 година кога освои 64% и помина подобро отколку што покажуваа анкетите пред изборите.

Според изборната комисија, одѕивот бил 67,4 проценти, на претходните избори таа цифра била 65 проценти.

Во изјавата за новинарите откако беа објавени резултатите, тој се пошегува на прашањето, дали би се кандидирал за уште еден мандат.

-Ова што го кажувате е малку смешно. Дали мислите дека би останал тука додека наполнам 100 години? Секако дека не, одговори тој.