Шестгодишно девојче загина при пад од тераса во Струга

Шестгодишно девојче од Струга денеска починало при пад од тераса на улицата „ЈНА“.

Портпаролот на охридската полиција Стефан Димоски информира дека денеска во 12 часот и 20 минути, во полициската станица во Струга телефонски биле известени од ЈЗУ Општа болница за несреќен случај со последица смрт на малолетничка родена 2012 година.

– Констатирано е дека малолетното девојче било во нејзиниот стан заедно со мајка си и малолетниот брат по што во еден момент ја снемало од собите во станот. Откако мајката го забележала тоа, започнала да ја бара низ станот, но и во соседниот стан каде живеел нејзиниот дедо по што излегле надвор од зградата. Тогаш ја забележале падната под балконот и итно ја префрлиле на хирургија при Општата болница во Струга, појасни Димоски.

Во струшката болница била констатирана смрт, а по наредба на Јавен обвинител, телото било предадено на семејството.