Буквално прелетал низ целта: Оваа неверојатна сцена му донесе злато на американскиот атлетичар

Американскиот атлетичар Инфинити Такер ги “запали” социјалните мрежи!

Такер триумфирал во трката на 400 метри со пречки на колеџ првенството во Арканзас, а начинот на кој успеал во тоа го остави светот без зборови. 

Атлетичарот бил практично изедначен со ривалот Роберт Грант, но во самиот финиш сфатил дека ја губи силата, па направил нешто неверојатно – тој одлучил да се фрли кон целта и успеал.

“Ја видов мојата мајка пред себе и одлучив да ѝ се фрлам во прегратки”, се пошегувал Американецот по трката.

Второпласираниот Грант не бил импресиониран од неговиот потег.

“Кога би кажал што мислам, тренерот би ме исфрлил од тимот”, изјавил Грант.