Кој е чија марионета: Кремљ одговорил на тврдењата на Болтон дека Трамп игра како што свири Путин

Портпаролот на Кремљ, Дмитриј Песков, по повод обвиненијата на некогашниот советник за национална безбедност на американскиот претседател Џон Болтон, дека рускиот претседател Владимир Путин го изманипулирал својот американски колега Доналд Трамп, изјавил дека Трамп не е марионета на Путин.

“Не, не игра Трамп како што свири Путин. Тоа што Путин го мисли за Трамп повеќе пати и лично го има кажано на многубројни интервјуа”, рекол тој.

Песков навел и дека Путин не мисли дека е лесно да се манипулира со Трамп.

Џон Болтон издал книга со наслов “Собата каде што се се случи: Мемоари од Белата куќа”, во која навел дека Трамп ги ублажил своите ставови кон Венецуела откако разговарал со Путин.

Исто така рекол и дека Путин “во голем советски стил” успеал да го убеди Трамп да ги ублажи санкциите кои Вашингтон требало да ги воведе против Каракас.

Инаку, книгата на Џон Болтон предизвикала бурна реакција во американската јавност, а како што најавиле медиумите, би требало да биде објавено во јавноста наредната седмица.