ДЕТАЛИ ОД МВР ЗА ПРОНАЈДЕНОТО ОРУЖЈЕ ВО СТРУШКО: 138 ГРАНАТИ И 41 МЕТАЛЕН САНДАК СО МУНИЦИЈА

Вчера околу 12 часот во нива меѓу селата Франгово и Калишта, струшко, по оперативни сознанија пронајдена е разновидна муниција, гранати и РПГ.

Од МВР денес излегоа со детали според кои полицијата пронашла 138 гранати за рачен фрлач на гранати, 41 метални сандаци со муниција со калибар 7,62 и 12,7 милиметри, 30 испукувачи РПГ, 130 полнења за гранати, 760 парчиња куршуми со калибар 20 милиметри во нива во близина на патниот правец помеѓу струшките села Калишта и Франгово.

Тие информираат дека е известено Основното јавно обвинителство –Струга и Дирекцијата за заштита и спасување и се преземаат мерки и активности за расчистување на случајот.