Сусам за низок холестерол!
Од Вавилонија па се до Далечниот Исток, луѓето го користеле семето од сусам уште пред илјадници години – како валута, медицински лек и хранлива состојка богата со протеини. Семето од сусам е сеуште познато како „крал на маслодајните семиња“ а зад тоа стои многу добра причина. По тежина, околу 3 супени лажици имаат околу 160 калории, 14 грама масти, 5 грама протеини и 4 грама влакна.
Иако не е толку во центарот на вниманието како лененото семе, чиа семето и други таканаречени „супер семиња“, семето од сусам претставува значаен извор на хранливи материи, вклучувајќи железо, цинк, бакар, витамин Е, тиамин, калциум, магнезиум, манган, фитостероли, растителни влакна и други потенцијално корисни соединенија. Богатиот извор на бакар се покажа дека ги намалува болката и отокот кои се особено важни за луѓето кои имаат ревматоиден артритис. Бакарот, исто така е важен и за ензимот лизил оксидаза, кој е потребен за вкрстено поврзување на колаген и еластин. Фитостеролите претставуваат група соединенија кои се наоѓаат во растенијата, имаат хемиска структура многу слична на холестеролот и кога се присутни во исхраната во доволни количини се верува дека ги намалуваат нивоата на холестеролот во крвта, го подобруваат имунолошкиот одговор и го намалуваат ризикот од одредени видови на рак. Фитостеролите ефективно го намалуваат ЛДЛ-холестеролот кога се даваат како суплементи, а помалите количини кои се содржат во природната храна, исто така, се чини дека се особено важни.
Овие фитостероли всушност се екстрахираат и се додаваат во преработената храна бидејќи помагаат при намалување на холестеролот.
Семето од сусам има највисока содржина на фитостероли ( 400-413 mg на 100 грама ), во споредба со англиските и бразилските ореви кои имаат најниска ( 113 mg / 100g и 95 mg / 100 g ). Од јаткастите плодови и семињата кои обично се консумираат како храна за ужинка, ‘фстаците и семките од сончоглед се најбогати во фитостероли ( 270-289 mg / 100 g ), а потоа следат и семките од тиква ( 265 mg / 100 g ). Во една мала студија во журнал за исхрана во 2006 година од Тајван, жените во постменопаузален период кои консумирале секојдневно сусам пет недели редовно, имале 10 % намалување на ЛДЛ „лошиот“ холестерол. Друга студија, објавена во Меѓународниот весник за храна во 2012 година, покажа дека семето од сусам допринело за намалување на високиот холестерол.
Ниту еден од овие факти нема да побуди особен интерес доколку семето од сусам нема кулинарски придобивки. Семето од сусам веќе долго време се користи за производство на масло од сусам. Исто така се користи за да се направ тахин, што во суштина претставува путер од семе од сусам.
Дали можеби сте знаеле дека семето од сусам содржи специјални растителни влакна наречени сесамин и сесамолин?
Овие растителни влакна се дел од групата влакна наречени лигнани, и имаат неколку важни здравствени придобивки. Сесамин и сесамолин може да го намалат холестеролот, да го спречат високиот крвен притисок и да го заштитат црниот дроб од оксидативно оштетување.
Но, вие не треба да се ограничите само на семињата од сусам. Јаткастите плодови се исто така корисни во намалувањето на нивото на холестеролот во крвта. Заедно, можат да се искомбинираат и да се направат и други вкусни а воедно здрави јадења. Само продолжете, конзумирате ги и слободно правете најразлични комбинации! Нека стане добра навика, во салата или закуска секојдневна.
