Голем број од луѓето ширум светот патат од анксиозност. И речиси сите ние ја чувствуваме анксиозноста како природен одговор на одредени ситуации.

Доколку живеете со хроничен стрес или пак анксиозност, може да се борите против тоа со природна терапија, медитација, јога, но и со правилна исхрана.

Дали знаете дека анксиозноста може да се предизвика и преку внесување на одредена храна во телото?

Тоа се следните намирници:

Шеќер

Во секоја стресна ситуација, раката сама ќе посегне по слатки работи. Таквата реакција е природна – слатката храна го поттикнува произведувањето на серотонинот кој што е потребен во таквите моменти. Меѓутоа, експертите не препорачуваат барање на серотонинот во десертите поради рафинираните шеќери во нивниот состав кои што предизвикуваат нагол скок на глукозата во крвта.

Скокот секогаш е проследен со нагол пад, а тоа ве прави уморни и депресивни. Овошјето или какаото ќе ви овозможат доза серотонин, но нема да предизвикаат остра промена во нивото на шеќер во крвта.

Сол

Вишокот натриум во телото не предизвикува само зголемена жед, туку и пораст на крвниот притисок што за возврат може да послужи како катализатор за подобрување на реакциите на телото на стресот. Поради тоа, доколку сакате да го решите овој проблем пакувањето чипс нема да ви помогне во тоа.

Но, доколку и натаму имате желба за грицки ви предложуваме да исецкате краставица или пак морков, можете да консумирате и шака ореви или пак семки. Оваа храна е богата со диетални влакна, витамини и минерали кои што не само што ќе го сузбијат гладот туку и значајно ќе го подобрат вашето расположение.

Кофеин

Кофеинот во ограничени количини е многу здрав, но кога сте под стрес подобро е да се откажете од него. Факт е дека кофеинот ја стимулира работата на срцето, го зголемува крвниот притисок и го стимулира нервниот систем. Во случај на акутна стресна реакција, нервниот систем треба да се смири, а не обратно. Поради тоа наместо шолја кафе направете си чај – вкусен е, здрав и совршено ги стимулира нервите.